Хуулийн төв байгууллагуудын ажилтан, албан хаагчдын дунд спортын таван төрлөөр зохион байгуулсан тэмцээн 2015 оны 11 дүгээр сарын 11-нээс арваннэгдүгээр сарын 22-ны өдрүүдэд амжилттай болж өндөрлөлөө.

Тус тэмцээнд Үндсэн хуулийн цэц, Хууль зүйн яам, Улсын дээд шүүх, Шүүхийн ерөнхий зөвлөл, Улсын ерөнхий прокурор, Авлигатай тэмцэх газар, Монголын олон улсын ба үндэсний арбитр, Монголын Өмгөөлөгчдийн холбоо, Монголын Хуульчдын холбооны баг тамирчид  шатар, ширээний теннис, биллъяард, сагсан бөмбөг, гар бөмбөгийн төрлөөр хурд, хүч, аваалжаа сорьсон юм.

 Спортын таван төрлөөр зохион байгуулсан тэмцээнд багийн дүнгээр Монголын Өмгөөлөгчдийн холбооны баг тамирчид тэргүүн байрт шалгарч “Шилжин явах цом”-ын эзэн болсон бол Улсын ерөнхий прокурорын газрын баг дэд байрт, Улсын Дээд шүүхийн баг гуравдугаар байрт шалгарлаа.

Уламжлал болсон тус тэмцээнийг энэ жил Монголын Хуульчдын холбоо зохион байгуулсан бол ирэх жил Улсын ерөнхий прокурорын газар зохион байгуулахаар боллоо.

Тэмцээний ялагчдыг ЭНД дарж харна уу!