Монголын Хуульчдын холбоо
Mongolian Bar association
Утас
70116364, 70116007
И-мэйл
info@mglbar.mn
“ХОТ ДАХИН ТӨЛӨВЛӨЛТ-ГАЗАР ЧӨЛӨӨЛӨЛТ- ХҮНИЙ ЭРХ" ОНОЛ, ПРАКТИКИЙН ХОЁРДУГААР БАГА ХУРАЛ БОЛНО

“ХОТ ДАХИН ТӨЛӨВЛӨЛТ-ГАЗАР ЧӨЛӨӨЛӨЛТ- ХҮНИЙ ЭРХ" ОНОЛ, ПРАКТИКИЙН ХОЁРДУГААР БАГА ХУРЛЫН УДИРДАМЖ

2017.03.29

 

Ерөнхий мэдээлэл

    Монгол Улсын нийслэл Улаанбаатар хотод дахин төлөвлөлтийн төсөл хэрэгжээд багагүй хугацаа өнгөрсөн боловч холбогдох эрх зүй, бодлогууд нь хоцорч гарч байна. Монгол Улсад хот, суурин газрыг дахин хөгжүүлэхтэй холбоотой харилцааг олон тооны дотоодын хууль, нийслэлийн удирдлагаас баталсан бодлогын болон эрх зүйн актуудаар зохицуулж байгаа ч давхцдаг, зарим талаараа зөрчилдсөн ч байна.

    Одоогийн зохион байгуулалт нь үйл явцыг хангалттай зохицуулж, хянаж чадахгүй, мөн иргэдийн шаардлага нийцсэн орон байртай байх эрхийг үр дүнтэй хамгаалахгүй байна. Засгийн газраас тодорхой, уялдаатай, шаардлага хангахуйц хууль, журам гаргаагүй, хууль сахиулах, хянах тогтолцоо бүрдээгүй байгаа нь дахин төлөвлөлтөд хамрагдсан газар нутгийн иргэд шаардлагад нийцсэн орон байртай байх эрхээ зөрчүүлэх эрсдэлтэй байна.

    Монгол Улсын Засгийн газар хүн амынхаа шаардлагад нийцсэн орон байраар хангагдах эрхийг үр дүнтэй хамгаалахын тулд газар өмчлөгч, хувийн компани гэх мэт гуравдагч этгээдийн зүгээс энэхүү эрхийг зөрчихөөс урьдчилан сэргийлэх ёстой. Ийм зөрчил гарсан тохиолдолд, холбогдох засаг захиргааны байгууллага зөрчлийг цааш даамжрахаас сэргийлэх арга хэмжээ авч, эрх нь зөрчигдсөн хүмүүст хуулийн дагуу хохирлоо барагдуулах, эрхээ шүүхээр хамгаалуулах боломжоор хангах хэрэгтэй. Одоогийн эрх зүйн, бодлогын тогтолцооны алдаа дутагдлыг арилгахын тулд хот, суурин газрыг хөгжүүлэхтэй холбоотой аливаа хууль, журмууд нь хүний эрхийн тухай олон улсын хэм хэмжээтэй нийцсэн байх ёстой.

    Монголын Эмнести Интернэшнлээс санаачлан  эрдэмтэн  багш, судлаач, төрийн болон төрийн бус байгууллагын мэргэжилтэн, албан хаагчдын дунд "Хот дахин төлөвлөлт–Газар чөлөөлөлт–Хүний эрх"онол, практикийн хоёрдугаар бага хурлыг 2017 оны 05 дугаар сарын 17-ны өдөр зохион байгуулахаар төлөвлөж байна.

Нэг. Онол практикийн бага хурлын зорилго:

    Хот, суурин газрыг дахин хөгжүүлэхтэй холбоотой аливаа үйл ажиллагаанд Монгол улсын Үндсэн хуулиар баталгаажсан газар болон үл хөдлөх эд хөрөнгө өмчлөх, шаардлагад нийцсэн орон байраар хангагдах зэрэг хүний үндсэн эрхүүдийн мөн чанарыг ойлгож буй эсэх, хэрэгжүүлэлт, зохион байгуулалт, маргаан шийдвэрлэх талаар Монгол улсын эрх зүйн зохицуулалтыг онол, практикийн түвшинд судлан эрх зүйн зохицуулалтыг боловсронгуй болгох асуудлыг хөндөх нь уг хурлын зорилго болно.

Хоёр. Илтгэлийн сэдэв:

  1. Хот дахин төлөвлөлт ба хүний эрх
  2. Хот, суурин газрын дахин төлөвлөлтийн эрх зүйн орчин: Өчигдөр, өнөөдөр, ирээдүй
  3. Хот, суурин газрын дахин төлөвлөлтийн хэрэгжилт, зохион байгуулалтад гарч буй алдаа, даван туулах арга зам
  4. Хот, суурин газрын дахин төлөвлөлт ба иргэдийн оролцоо
  5. Хот, суурин газрын дахин төлөвлөлт ба шударга нөхөх олговор
  6. Хот, суурин газрыг дахин төлөвлөх үйл ажиллагааны явцад газар, үл хөдлөх эд хөрөнгө өмчлөгч, эзэмшигчтэй байгуулах гэрээний харилцаанд анхаарах асуудал
  7. Хот, суурин газрыг дахин төлөвлөхтэй холбоотой үүссэн маргааныг шийдвэрлэх хүний эрхэд суурилсан механизм
  8. Хот, суурин газрыг дахин төлөвлөлтийн талаарх эрх зүйн зохицуулалт хоорондын уялдаа холбоо, түүнийг сайжруулах нь

Гурав. Илтгэлд тавигдах шаардлага:

  • Илтгэл нь өгөгдсөн дээрх сэдвүүдийн дагуу судалж шинэлэг санаа дэвшүүлсэн, шийдвэрлэх арга замыг тодорхойлсон байх;
  • Харьцуулалт, судалгаа хийсэн байх, зүйлт, ишлэлийг зохих журмын дагуу хийсэн байх; 
  • Илтгэлийн бичвэр нь Times Roman шрифтээр, үсгийн хэмжээ 12, мөр хоорондын зай 1.5, хуудасны тоо 8-аас дээш байх;  

Дөрөв. Илтгэл бичигч нь

  • Дээр өгөгдсөн сэдвүүдээс сонгосон нэг сэдвээрээ тавих илтгэлийн хураангуйг 1-2 хуудсанд багтааж 2017 оны 4 дүгээр сарын 17-ны өдрийн 18:00 цагаас өмнө mongolia.amnesty@gmail.com хаягаар илгээсэн байна.
  • Шаардлага хангасан илтгэлийн хураангуйд үндэслэн зохион байгуулагч, илтгэл бичигчтэй гэрээ хийж, гэрээний дагуу ирүүлсэн илтгэлийг хуралд танилцуулж, хэлэлцүүлнэ.   

Тав. Урамшуулал:

    Дээр өгөгдсөн сэдвүүдийн хүрээнд сонгогдсон илтгэл бичигчид 300.000 /гурван зуун мянга/ төгрөгийн мөнгөн урамшуулал, хамтрагч байгууллагуудын нэрэмжит гарын бэлэг гардуулна.

Хурлын талаарх дэлгэрэнгүй мэдээллийг Монголын Эмнести Интернэшнлийн 70004708 утсаар авна уу.

Холбоотой мэдээлэл
0 Сэтгэгдэл
ШИНЭ МЭДЭЭ
АЗИЙН САНГИЙН МОНГОЛ ДАХЬ СУУРИН ТӨЛӨӨЛӨГЧ САРА ТЭЙЛОРТОЙ УУЛЗЛАА
13 цаг 50 мин
ОЛОН УЛСЫН ХӨГЖЛИЙН ЭРХ ЗҮЙН БАЙГУУЛЛАГА (IDLO)-ЫН МОНГОЛ ДАХЬ СУУРИН ТӨЛӨӨЛӨГЧИЙГ ХҮЛЭЭН АВЧ УУЛЗЛАА
15 цаг 7 мин
ДЭЛХИЙН ШУДАРГА ЁСНЫ ТӨСӨЛ (WJP) -ИЙН АЗИ НОМХОН ДАЛАЙН БҮСИЙН ЗАХИРАЛ ДОКТОР ШРИРАК ПЛИПАТЫГ ХҮЛЭЭН АВЧ УУЛЗЛАА
18 цаг 55 мин
АНУ-ЫН ЮТАГИЙН ИХ СУРГУУЛИЙН ТӨЛӨӨЛӨГЧДИЙГ ХҮЛЭЭН АВЧ УУЛЗЛАА
Уржигдар 13 цаг 51 мин
“ХУУЛЬЧИЙН ЁС ЗҮЙН АСУУДАЛ, ШИНЭЧЛЭЛ” СЭДЭВТ  ХУУЛЬЧДЫН СИМПОЗИУМ БОЛНО
Уржигдар 13 цаг 35 мин
2024 ОНЫ ХУУЛЬЧИЙН МЭРГЭЖЛИЙН ШАЛГАЛТЫН ДҮН ГАРЛАА
2024-10-22 22:29
ХӨДӨЛМӨР, ХАЛАМЖИЙН ҮЙЛЧИЛГЭЭНИЙ ЕРӨНХИЙ ГАЗАРТАЙ ХАМТРАН АЖИЛЛАНА
2024-10-15 15:38
МЭДЭГДЭЛ
2024-10-14 15:49
"БАЙГАЛЬ ОРЧИН, НИЙГЭМ, ЗАСАГЛАЛ (БОНЗ) – ХУУЛЬЧДЫН ҮҮРЭГ, ОРОЛЦОО" СЭДЭВТ УУЛЗАЛТ, ХЭЛЭЛЦҮҮЛЭГ БОЛЛОО
2024-10-10 11:46
ТИКА-ЫН ЗОХИЦУУЛАГЧ МУСЛУ АЛИТАЙТАЙ УУЛЗЛАА
2024-10-09 14:11
ХУУЛЬЧДЫН ЭРҮҮЛ МЭНДИЙН АЯЛАЛД БҮРТГЭЖ БАЙНА
2024-10-08 15:18
ХУУЛЬЧДЫН АНХААРАЛД
2024-10-08 15:07
“ХУУЛЬЧДЫН АЖИЛЛАХ ОРЧИН БА ЭРҮҮЛ АХУЙ, ТУЛГАМДАЖ БУЙ АСУУДАЛ” СЭДЭВТ ХЭЛЭЛЦҮҮЛЭГ БОЛЛОО
2024-10-07 17:35
ХУУЛЬЧДЫН АНХААРАЛД
2024-10-03 16:07
ДОКТОРЫН ЗЭРЭГ ХАМГААЛСАН ХУУЛЬЧДАДАА БАЯР ХҮРГЭЕ!
2024-10-03 12:12
ДОКТОРЫН ЗЭРЭГ ХАМГААЛСАН ХУУЛЬЧДАДАА БАЯР ХҮРГЭЕ!
2024-10-03 12:09
2024 ОНЫ 10 ДУГААР САРЫН 01-НЭЭС ХЭРЭГЖИЖ ЭХЭЛСЭН ЗАРИМ ХУУЛЬ
2024-10-02 14:03
ӨМГӨӨЛӨГЧ Б.ЗОРИГТБААТАР, Э.ЖАРГАЛ НАРТ ТАЛАРХАЛ ИРҮҮЛЛЭЭ
2024-10-02 10:22
ХУУЛИЙН ЭТГЭЭДИЙН УЛСЫН БҮРТГЭГЧ НАРТ СУРГАЛТ ЗОХИОН БАЙГУУЛЛАА
2024-10-02 10:08
ХЭЛЭЛЦҮҮЛЭГТ ОРОЛЦОХЫГ УРЬЖ БАЙНА
2024-10-01 13:39