Мэргэжлийн хариуцлагын хорооны шинээр сонгогдсон гишүүд 2016 оны 10 дугаар сарын 18-нд анхны хурлаа хийж, хорооны даргаараа Нийслэлийн Иргэний хэргийн давж заалдах шатны шүүхийн шүүгч Энэбишийн Золзаяаг сонгосон. Тэгвэл Мэргэжлийн хариуцлагын хорооны шинэ дарга Э.Золзаяа өнөөдөр тамга, тэмдгээ албан ёсоор хүлээн авлаа. Тамга, тэмдэг хүлээлгэн өгөх үйл ажиллагаанд Хуульчдын холбооны ерөнхийлөгч Б.Гүнбилэг, Тамгын газрын дарга Ц.Ганболд, тус хорооны дарга асан Г.Эрдэнэбат, Ажлын албаны дарга С.Нямжав нар оролцсон юм.