МУИС-ийн Хууль зүйн сургуулиас санаачлан УИХ-ын Тамгын газар, Хууль зүйн яам, Хууль зүйн үндэсний хүрээлэн, Монголын Хуульчдын холбоо, Шинжлэх ухааны академийн Философийн хүрээлэнтэй хамтран “Хууль зүйн нэр томьёоны судалгаа, хэрэглээ” сэдэвт улсын хэмжээний эрдэм шинжилгээний хурлыг 2016 оны дөрөвдүгээр сарын 08-нд зохион байгуулсан билээ.

    Тус хурал нь хууль зүйн шинжлэх ухааны салшгүй чухал бүрэлдэхүүн хэсэг болсон хууль зүйн нэр томьёо судлалыг хөгжүүлэх, хууль тогтоомжийг боловсронгуй болгох, нэг мөр хэрэгжүүлэх, зөв тайлбарлахад онцгой ач холбогдолтой болохыг эрдэмтэн судлаачид хүлээн зөвшөөрч хамтран зохион байгуулснаараа онцлог байсан юм.

Энэхүү хуралд хэлэлцүүлэгдсэн илтгэлүүдийг эмхэтгэн гаргалаа. Эмхэтгэлд нийт 20 илтгэл багтсан бөгөөд энэхүү номыг Хууль зүйн үндэсний хүрээлэнгийн номын худалдаанаас худалдан авах боломжтой.