Монголын Хуульчдын холбооны Шүүгчдийн хорооны Удирдах зөвлөл 2016 оны хоёрдугаар сарын 22-ны өдөр хуралдлаа. Хуралдаанд Ц.Оч, Б.Батцэрэн, С.Амардэлгэр, Х.Эрдэнэсувд, Т.Өсөхбаяр, Г.Даваадорж, Д.Дэлгэрцэцэг нар оролцож, шүүгч Ц.Өрнөндэлгэр хуралдаанд оролцох боломжгүй байсан тул хэлэлцэх асуудалтай холбоотой саналаа бичгээр ирүүлсэн байна.
Хурлаар зургаан асуудал хэлэлцсэн бөгөөд хүндэтгэн үзэх шалтгаан бүхий хүсэлтийг нь үндэслэн шүүгч П.Золзаяаг Удирдах зөвлөлийн гишүүнээс чөлөөлөхөөр шийдвэрлэлээ. Удирдах зөвлөлийн гишүүнээс Ц.Цогт, П.Золзаяа нар чөлөөлөгдсөнтэй холбогдуулж Удирдах зөвлөлийн хоёр гишүүний орон тоонд нөхөн сонгууль зохион байгуулахаар тогтлоо.
Удирдах зөвлөлийн хоёр гишүүнийг сонгох нөхөн сонгууль 2016 оны хоёрдугаар сарын 24-ний өдрөөс гуравдугаар сарын 07-ны өдрийн хооронд Монголын Хуульчдын холбооны Хоёрдугаар их хурлын төлөөлөгч сонгох сонгуулийн зарчмын дагуу www.mglbar.mn сайтаар цахим хэлбэрээр явагдах юм.
Дэлгэрэнгүй мэдээллийг ЭНД дарж авна уу!
ШҮҮГЧДИЙН ХОРООНЫ УДИРДАХ ЗӨВЛӨЛ