АНУ-ын Худалдааны яамны дэргэдэх Арилжааны эрх зүйн хөгжлийн хөтөлбөрөөс 2024 оны 3 дугаар сарын 04, 05-ны өдрүүдэд Хуульчдын холбооны гишүүн хуульчдад зориулан зохион байгуулж буй “БИЗНЕСИЙН ХЭЛЭЛЦЭЭР ХИЙХ АРГА ЗҮЙ /COMMERCIAL NEGOTIATION” сэдэвт сертификат олгох сургалт эхэллээ.
Энэ удаагийн сургалтыг “Clifford Chance” олон улсын хуулийн фирмийн Парис хот дахь салбарын Ахлах зөвлөх хуульч Хадагтай Sandrine Colletier болон Сингапур хот дахь салбарын Ахлах хуульч Ноён William Holmden нар удирдан явуулж байгаа бөгөөд сургалтад нийт 50 гаруй хуульч хамрагдаж байна.
Тус хөтөлбөр нь 2024 онд Монголын Хуульчдын холбоотой хамтран ажиллах гэрээгээ дахин сунгасан бөгөөд энэхүү сургалт нь 2024 оны анхны сургалт юм. Өмнө нь 2023 оны хамтын ажиллагааны хүрээнд тус Хөтөлбөр нь Монголын Хуульчдын холбооны хүсэлтээр МХХ-ны хуульчдад “Олон улсын арилжааны арбитр”, “Хөрөнгө оруулагч-Засгийн газар хоорондын маргааныг шийдвэрлэх нь”, “Төр хувийн хэвшлийн түншлэл” сэдвүүдээр сертификат олгох сургалтуудыг амжилттай зохион байгуулсан билээ.
Мөн Хуульчдын холбооны Ерөнхийлөгч П.Одгэрэл АНУ-ын Худалдааны яамны дэргэдэх Арилжааны эрх зүйн хөгжлийн хөтөлбөрийн Зөвлөх өмгөөлөгч (Хатагтай Гришма Прадхан болон уг сургалтын багш нар болох Хадагтай Sandrine Colletier, Ноён William Holmden нарыг хүлээн авч уулзлаа.
Тус уулзалтаар Монголын Хуульчдын холбоо болон Арилжааны эрх зүйн хөгжлийн хөтөлбөртэй цаашид хэрэгжүүлэх ажлын талаар санал солилцлоо. Уулзалтад Монголын хуульчдын холбооны Тамгын газрын дарга Ш.Жолбарс, МХХ-ны Олон улсын эрх зүйн хорооны дарга Х.Наранбулаг нар оролцлоо.
