ЭМГЭНЭЛ

2021-06-25 | Уншсан: 261

  Монголын Хуульчдын холбооны гишүүн хуульч Бадамгаравын Цэрэнбат нь 2021 оны зургадугаар сарын 24-ний өдөр хүнд өвчний улмаас таалал төгсөж, бидэнд нөхөж баршгүй хүнд гарз тохиолдлоо.

  Б.Цэрэнбат нь 1958 онд Завхан аймгийн Их-Уул суманд төрж өгсөн бөгөөд 1976 онд Завхан аймгийн Тосонцэнгэл сумын 10 жилийн дунд сургууль, 1981 онд Хууль цаазын дунд сургууль, 1990 онд МУИС-ийн Хууль зүйн сургуулийг эрх зүйч мэргэжлээр тус тус төгсжээ.

  Б.Цэрэнбат нь 1981-1983 онд Архангай аймгийн шүүхийн шүүгч, 1983-1985 онд Завхан аймгийн шүүхийн шүүгч, 1990-1996 онд Завхан аймаг дахь Сум дундын шүүхийн ерөнхий шүүгч, 1996-2001 онд Гаалийн ерөнхий газрын ахлах байцаагч, Гаалийн хорооны дарга, 2001-2010 онд Нийслэлийн шийдвэр гүйцэтгэх албаны ахлах гүйцэтгэгч, Сэлэнгэ аймгийн шийдвэр гүйцэтгэх албаны дарга, Дархан-Уул аймгийн шийдвэр гүйцэтгэх албаны шийдвэр гүйцэтгэгч, 2010-2014 онд Дархан-Уул аймгийн шүүхийн Тамгын газрын даргаар ажиллаж байгаад 2015 оноос өнөөг хүртэл өмгөөлөгчөөр ажиллаж байв.

  Түүний хууль зүйн салбарт оруулсан хувь нэмэр, хөдөлмөр зүтгэлийг үнэлж 1996 онд Засгийн газрын “Хүндэт жуух” бичиг, Дархан-Уул аймгийн Засаг даргын "Жуух бичиг", "Аймгийн тэргүүний ажилтан" тэмдэг, “Шийдвэр гүйцэтгэх албаны тэргүүний ажилтан”, 2012 онд Төрийн дээд шагнал “Алтан гадас” одон, 2021 онд Хөдөлмөрийн гавьяаны улаан тугийн одонгоор тус тус шагнаж байжээ.

  Б.Цэрэнбатын хүнлэг нөхөрсөг, ухаалаг, эгэл даруу, бүтээлч хөдөлмөрч зан чанар, элэгсэг дотно дүр төрх нь Монголын Хуульчдын холбооны нийт гишүүн хуульчдын сэтгэл зүрхэнд хоногшин үлдэх болно.

  Талийгаачийн гэр бүл, төрөл төрөгсдөд нь гүн эмгэнэл илэрхийлье.

МОНГОЛЫН ХУУЛЬЧДЫН ХОЛБОО

ДАРХАН-УУЛ АЙМАГ ДАХЬ САЛБАР

Хуульчдын оруулсан зар

Дансны мэдээлэл

Хуульч аппликейшн