АЗИ НОМХОН ДАЛАЙН ХУУЛЬЧДЫН ХОЛБООНЫ 2021 ОНЫ БАГА ХУРАЛ ЭХЭЛЛЭЭ

2021-06-16 | Уншсан: 751

   Ази Номхон далайн Хуульчдын холбооны энэ жилийн бага хурал 2021 оны зургадугаар сарын 15-19-ний өдрүүдэд “Innovative Resilience in Altered Legal Landscape” сэдвээр анх удаа бүрэн хэмжээнд онлайнаар зохион байгуулагдаж байна. 

  Тус хурлаар хуулийн нийт 36 сэдвээр хэлэлцүүлэг, семинар өрнүүлэх бөгөөд дэлхийн өнцөг булан бүрээс тус холбооны 65 улсын 1500 орчим гишүүн хуульч болон Ази Номхон далайн бүсийг сонирхсон олон улсын бусад хуульчид оролцож буй юм. Цагийн зөрүүг харгалзан хэлэлцүүлгийг цуврал хэлбэрээр өглөө 7:30-15:00 болон орой 21:00-23:00 цагийн хооронд зохион байгуулж байгаа тул хуульчид та бүхэн өглөө эрт эсвэл орой ажил тарсны дараа оролцох боломжтой. 

    Хэлэлцүүлэгт оролцох бол https://ipba.org/virtual-conference/conference-agenda/253/ холбоосоор орж бүртгүүлэх шаардлагатай бөгөөд бүртгэлийн хураамж нь 35 хүртэлх насны залуу хуульчдад 100 ам.доллар, гишүүдэд 275 ам. доллар, гишүүн бус хуульчдад 375 ам. доллар юм байна.  

   Түүнчлэн Ази Номхон Далайн Хуульчдын холбооны Япон улсын Токио хотод болох 2022 оны конференст Монголын Хуульчдын холбооны гишүүн хуульч, "Андерсон энд Андерсон" хуулийн фирмийн Партнер Хөхөөгийн Наранбулаг Ази Номхон Далайн Хуульчдын холбооны “Залуу хуульчийн грант”-аар шалгарчээ. Тус грантыг Канад, Аргентин, Англи, Энэтхэг, ОХУ, БНХУ, Камбожи, Филиппин, Фижи зэрэг улсын нийт 10 залуу хуульч хүртсэн байна. 

   Эдгээр 10 хуульчийн 2021 оны бага хуралд оролцож буй олон улсын хуульчдад зориулж дэвшүүлсэн видео мэндчилгээг ЭНД ДАРЖ үзнэ үү.  

 

 

Хуульчдын оруулсан зар

Дансны мэдээлэл

Хуульч аппликейшн