ЭМГЭНЭЛ

2021-04-16 | Уншсан: 999

    Монголын Хуульчдын холбооны гишүүн хуульч, өмгөөлөгч Алтангэрэлийн Нацагдорж нь 2021 оны дөрөвдүгээр сарын 16-ны өдөр хүнд өвчний улмаас таалал төгсөж, бидэнд нөхөж баршгүй хүнд гарз тохиолдлоо.

   А.Нацагдорж нь 1957 онд Улаанбаатар хотод төрсөн бөгөөд 1965-1975 онд Нийслэлийн Хоёрдугаар дунд сургуулийг төгсөж, 1979-1981 онд цэргийн алба хааж, 1981-1983 онд Хууль цаазын дунд сургууль, 1983-1988 онд МУИС-ийн Хууль зүйн сургуулийг эрх зүйч мэргэжлээр тус тус төгссөн байна.

    А.Нацагдорж нь 1988-1990 онд Өвөрхангай аймгийн хуулийн хэлтэст мэргэжилтэн, 1989-1991 онд тус аймгийн Прокурорын газарт Хэрэг бүртгэлт, мөрдөн байцаалт эрхэлсэн туслах прокурор, 1991-1994 онд аймгийн хууль зүйн зөвлөгөө өгөх газрын дарга,  1994 онд "Түшиг” товчоонд өмгөөлөгч, 1994 оноос хойш тасралтгүй 30 жил өмгөөлөгчөөр ажиллажээ.

   Хуульч А.Нацагдорж нь Монголын Хуульчдын холбооны үйл ажиллагаанд идэвх санаачилгатай оролцдог, манлайлагч хуульчдын нэг байсан билээ. 

  Түүний хууль зүйн салбарт оруулсан хувь нэмэр, хөдөлмөр зүтгэлийг үнэлж, 2009 онд “Хөдөлмөрийн хүндэт” медалиар, 2015 онд Төрийн дээд шагнал “Алтан гадас” одонгоор тус тус шагнаж байжээ.

   А.Нацагдоржийн ухаалаг, хүнлэг, авьяаслаг, тусархаг, нөхөрсөг, гэгээн дүр төрх нь Монголын Хуульчдын холбооны нийт гишүүн хуульчдын сэтгэл зүрхэнд хоногшин үлдэх болно.

   Талийгаачийн гэр бүл, төрөл төрөгсдөд нь гүн эмгэнэл илэрхийлье.

МОНГОЛЫН ХУУЛЬЧДЫН ХОЛБОО

Хуульчдын оруулсан зар

Дансны мэдээлэл

Хуульч аппликейшн