Америкийн Нэгдсэн Улсын Засгийн газрын санхүүжилтээр хэрэгждэг Фулбрайтын гадаад оюутнуудын тэтгэлэгт хөтөлбөр зарлагдсан байна. Магистрын зэрэг олгох бүрэн тэтгэлэгт энэхүү хөтөлбөр нь дэлхийн 150 гаруй оронд хэрэгждэг бөгөөд жилд 13-15 оюутныг тэтгэлэгт хөтөлбөрт хамруулдаг юм.   

Тавигдах шаардлага:

• Монгол Улсын иргэн бөгөөд оршин суудаг байх;
• Дээд боловсролтой байх (бакалаврын эсхүл түүнтэй дүйх зэрэгтэй байх);
• Доод тал нь 1.5 жилийн хугацаанд ажилласан ажлын туршлагатай байх;
• Англи хэлний мэдлэгийг гэрчилсэн хүчин төгөлдөр оноо авсан байх;
• Дор дурьдсан чиглэлээр суралцах тохиолдолд IBT 90, PBT/IPT 575, IELTS 7.0 оноотой байх бол дор дурьдсан чиглэлээс өөр бусад чиглэлээр суралцах тохиолдолд IBT 80, PBT/IPT 550, IELTS 6.5 оноотой байх.

Суралцах боломжтой чиглэл:

• Arts Administration/Arts Management
• Art History
• Biology
• Business
• Communication
• Economics (MBA)
• Engineering
• English
• Gender and Women’s Studies
• History
• International Relations/International Development
• Journalism
• Law
• Linguistics
• Psychology
• Public Administration/Public Policy
• Political Science
• TESOL
• Theatre/Drama
• Urban/Regional Planning
• Veterinary Medicine

Бүрдүүлэх материал:

• Тэтгэлэгт хамрагдах өргөдлийн маягтыг бөглөх /АНУ-ын ЭСЯ-ны цахим хуудсаас татаж авна/;
• Өргөдлийн маягтад сүүлийн 6 сарын хугацаанд авахуулсан 3х4 хэмжээтэй цээж зургийг хавсаргах;
• Тодорхойлох захидал /таны академик мэдлэг болон мэргэжлийн ур чадварыг тодорхойлж чадах хоёр хүнээс тодорхойлох захидал авсан байна/;

• тодорхойлох захидал нь англи хэл дээр бичигдсэн байна
• эсхүл монгол хэл дээр бичигдсэн тодорхойлох захидлыг англи хэлнээ албан ёсоор орчуулсан байна
• тодорхойлох захидалд холбоо барих боломжтой бүрэн мэдээллийг тусгасан байна /ажлын газар, албан тушаал, утасны дугаар, цахим шуудангийн хаяг гэх мэт/ 

• Эссэ /АНУ-д суралцах шалтгаан, суралцсаны дараагаар хийхийг хүсэж буй зүйлийнхээ талаар хоёр нүүр хуудсаас хэтрүүлэлгүй англи хэл дээр бичсэн байна/
• Их дээд сургууль төгссөн дипломын англи, монгол хэл дээрх хуулбар хувь /нотариатаар баталгаажуулсан байна/
• Доод тал нь 1.5 жилийн хугацаанд ажилласан гэдгийг батлах үүднээс Нийгмийн даатгалын дэвтрийн хуулбар хувь /англи хэл дээр орчуулсан байх шаардлагагүй, нотариатаар баталгаажуулсан байна/
• IBT, PBT/IPT, IELTS-ийн онооны өөрийн тань зурагтай гэрчилгээний хуулбар хувь /нотариатаар баталгаажуулсан байна/

    Материалыг 2017 оны 03 дугаар сарын 27-ны өдрийн 12:00 цаг хүртэл АНУ-ын ЭСЯ-ны Олон нийттэй харилцах хэлтэст хүлээж авна.

    Тэтгэлэгт хөтөлбөрийн талаарх дэлгэрэнгүй мэдээлэлтэй ЭНД дарж танилцана уу.

Гадаад харилцаа, хамтын ажиллагааны хэлтэс