Оросын Холбооны Улсын Буриадын Их Сургуулийн Хуулийн сургуулиас 2017 оны 05 дугаар сарын 19-ний өдөр Буриадын Улан-Удэ хотод “Ази-Номхон далайн улс орнуудын харьцуулсан эрх зүй” сэдэвт онол-практикийн олон улсын бага хурлыг зохион байгуулах гэж байна.

    Тус олон улсын бага хурал нь залуу эрдэмтэн судлаач, хууль сахиулах салбарын албан хаагч, магистр болон докторын түвшинд суралцаж байгаа хэн бүхэнд нээлттэй бөгөөд бага хуралд оролцсоноор Ази-Номхон далайн улс орнуудын хууль зүйн салбарын байгууллага, их дээд сургууль, тэдгээрийн алба хаагч, эрдэмтэн судлаачид болон эрдэм шинжилгээний байгууллагатай харилцаа холбоо тогтоож, цаашид хамтран ажиллах боломж нээгдэх юм.

    Хурлын үеэр дор дурдсан 5 сэдвийн хүрээнд салбар хуралдаан зохион байгуулагдах юм байна. Үүнд:

• Ази-Номхон далайн улс орнуудын харьцуулсан үндсэн хуулийн эрх зүй болон захиргааны эрх зүйд тулгамдаж буй асуудал;
• Олон улсын эрх зүй ба олон улсын харилцаа;
• Ази-Номхон далайн улс орнуудын харьцуулсан иргэний эрх зүйд тулгамдаж буй асуудал;
• Ази-Номхон далайн улс орнуудын харьцуулсан эрүүгийн эрх зүй болон криминологит тулгамдаж буй асуудал;
• Харьцуулсан эрүүгийн процессын эрх зүй болон криминалистикт тулгамдаж буй асуудал, Ази-Номхон далайн улс орнуудын хууль сахиулах салбарын байгууллага.                                             

    Мөн хурлын хүрээнд 2017 оны 05 дугаар сарын 18-ны өдөр залуу эрдэмтэн судлаачдыг хамарсан “Оросын Холбооны Улсын нутаг дэвсгэрт Монгол Улсын иргэн, Монгол Улсын нутаг дэвсгэрт Оросын Холбооны Улсын иргэний эрх, ашиг сонирхлыг хамгаалах нь” сэдэвт дугуй ширээний уулзалт зохион байгуулагдах юм.

    Хурал зохион байгуулагдах хэл: орос, англи, монгол, хятад.

    Хуралд оролцох, илтгэл хэлэлцүүлж оролцох хүсэлтэй хуульчид та бүхэн 2017 оны 04 дүгээр сарын 30-ны өдрийн дотор Буриадын Их Сургуулийн labatr@mail.ru цахим шуудангийн хаягаар оролцохоо илэрхийлэн орос/англи хэл дээр бичсэн өргөдлийг өөрийн илтгэл болон хураамж (500 рубль)-ийг төлсөн баримтын хуулбарын хамт илгээх шаардлагатай юм байна.

    Өргөдлийн маягтыг татаж авах, мөн илтгэлд тавигдах хэлбэрийн шаардлага, хураамж төлөх болон бусад холбогдох мэдээлэлтэй ЭНД дарж танилцана уу.

ГАДААД ХАРИЛЦАА, ХАМТЫН АЖИЛЛАГААНЫ ХЭЛТЭС